Siglir tar il cuntegn

Header

cuntegn

Mes vitg ed jau «Tgunsch fa la bucca largia originals mai»

Originals na dettia quai betg pli a Surrein. Uschia tuni savens sch’ins dumonda en il vitg suenter ils originals. Ma i dat anc els. Tenor noss redactur, Gian Carlo Candinas è Murezi Candinas simplamain in original. L'um da 74 onns fa il pur ed abita dapi sia naschientscha a Surrein.

Murezi Candinas na vesa sasez betg exnum sco original: «Mo mia bucca largia è forsa schon in pau speziala», manegia il pur da 74 onns.

audio
Mezdi: Mes vitg ed jau – L’original Murezi Candinas
ord Actualitad dals 13.08.2015.
laschar ir. Durada: 3 minutas 26 Secundas.

Ed el tschantscha propi sco il bec è creschì. Sgnoccas, commentaris u ina tucca s’audan simplamain tar Murezi Candinas. Spezialmain era cun la giuventetgna. Ed als dus biadis raquinta el gugent magari ina u l'autra sgnocca. Il temps cun ils biadis giauda el zunt fitg.

Betg adina stà in dals gronds pleds

El na haja dentant betg adina discurrì uschè bler sco ussa. Da giuven na tschantschavia el betg tant. «Quai eran dentant era anc auters temps. Pli baud aveva in giuven buob da star eri e betg da far baterladas», constatescha Murezi Candinas. «Saja quai en scola u era durant ina radunanza.»

La chapitscha tutga simplamain tar Murezi Candinas.
Legenda: La chapitscha tutga simplamain tar Murezi Candinas. RTR, G. C. Candinas

Betg mo la bucca tutga tar Murezi Candinas

Murezi Candinas na vesian ins betg savens senza chapitscha. Cun 27 onns ha el maridà e quai di ha el survegnì regalà ina chapitscha. Dapi lura s’auda la chapitscha simplamain tar Murezi Candinas.

Artitgels legids il pli savens