Siglir tar il cuntegn
Inhalt

Mes vitg ed jau «Fai buca da Medel»

Ils Medelins na ston betg be tadlar spruhs pervi da lur dialect, i dat en Surselva numnadamain er l’expressiun «far da Medel». Quai din ins cura ch’insatgi fa insatge tup e cumplitgà. Mo danunder vegn quell’expressiun?

Glimajas senza crosa cun lur cornas nairas.
Legenda: Glimajas senza crosa cun lur cornas nairas, era enconuschentas sco schnecs da Medel. Keystone

Ils da Medel na san er betg. Giustifitgada na saja quell’expressiun dentant betg, èn els persvas. El DRG, il Dicziunari Rumantsch Grischun, datti dentant inqual indizi daco ch’ins di «far da Medel».

Da talpas e giaglinas ...

Per exempel datti la legenda da la talpa. Ils Medelins han chattà ina talpa ch’ha fatg donns vi dals funs. Lura han els studegià sco chastiar il meglier la talpa, e la finala han els sutterrà ella viva.

Ni ch’i dat la legenda cul sprer ch’è ì cun giaglinas. Er el han ils Medelins pudì tiers ed han vulì chastiar el. E quai han els fatg cun trair el dil pli aut grip en la val. Forsa schon fatg in zic da Medel ....

... e dals schnecs da Medel

Betg d’emblidar èn ils schnecs da Medel. Cura ch’ils Medelins han vesì questas grondas glimajas senza crosa, han els manegià ch’il diavel stettia avant els, quai pervi da las cornas.