Siglir tar il cuntegn
Inhalt

Mes vitg ed jau «Ein in martgau vegness jeu begia vegls»

Otto Venzin, ni Otto da Matergia co el vegn numnà da blers, stat ensemen cun sia sora a Matergia. In pitschen vitg en Val Medel.

Vista davent da Matergia da la val ora, sin Platta, e davostiers è Curaglia.
Legenda: Vista davent da Matergia da la val ora, sin Platta, e davostiers è Curaglia. RTR, P. Bundi

Davent da Platta che schai anc sper la via dal pass ston ins ir sur il Rain Medelin, vegn lura a Drual, sto ir vinavant tras ina val ed arriva la finala a Matergia. Là nua che Otto Venzin abitescha sia entira vita e fa il pur.

L’enviern pavlar, la stad far fain. Schon in zic in trot. Lungurus n’haja el dentant bunamain mai, mo mintgatant l’enviern cura ch’i cufla è naiva, ha ditg Otto Venzin. Cura ch’el era pitschen abitavan anc 16 persunas a Matergia, oz èn els anc en 2. Schon in zic solitari, el saja dentant anc gugent persul, manegia Otto Venzin. Il sentiment ch’el haja manchentà insatge n’ha el betg.