Co il rumantsch da Zernez tuna pudais tadlar qua:
In recept na datti betg
Fin oz na san ins betg dir precis co ch’il rumantsch da Zernez funcziuna. I na dat naginas reglas co duvrar il «zernezer». I dat simplamain el. Ina giada vevan ins empruvà da far reglas. Però quai n’è betg stat pussibel perquai ch’ins discurriva da quartier a quartier in auter «zernezer».
Ins «sainta» adina pli pauc
Adina pli paucas persunas discurran il vair «zernezer». In motiv perquai è ch’ils magisters a Zernez n'èn betg Zernezers ed era perquai ch’ins emprenda en scola il vallader. Però quai n’é betg il sulet motiv.
Dapli dal zernezer
I dat pleds en il rumantsch da Zernez che vegnan savens curregids dad auters. Sco per exempel il pled «santir». In Zernezer sainta cun las ureglias e n'auda betg. In auter motiv ch’il «zernezer» svanescha in zic, ch'in da Zernez survegn savens remartgas plitost negativas, sch’el discurra da s-chärpas, chäsas u chävras.
Però malgrà las remartgas main bunas èn ils da Zernez superbis da lur rumantsch.