Siglir tar il cuntegn

Serias Novs helicopters per la Rega

La Rega ha survegnì dus helicopters novs, in per la basa a Basilea, l'auter per Berna. Fin la stad 2019 cumpra la Rega sis helicopters novs per sia flotta en la Bassa – per 52 milliuns francs en total. Quai ha communitgà la Rega.

Il model Airbus H145 sa tschenta.
Legenda: Il model Airbus H145 tar la surdada. MAD, Rega.

Sco quai che Guardia aviatica svizra da salvament communitgescha sajan ils helicopters dal model Airbus H145 helicopters da salvament da la pli nova generaziun. Els sajan bler pli ferms ch'ils models antecessurs ch'èn dapi il 2003 en funcziun. En la cabina dals novs helicopters haja avunda plaz per maschinas medicinalas grondas. Uschia possia la Rega era transportar pazients che dovran ina tgira medicinala pli intensiva.

RR novitads 18:00