Siglir tar il cuntegn
Inhalt

Mes vitg ed jau Sta. Maria – ina fracziun da la vischnanca Val Müstair

Oz è Sta. Maria ina fracziun da la vischnanca Val Müstair, pli baud era il lieu cun var 300 abitants ina vischnanca e lieu principal da la Val Müstair.

Sta. Maria en Val Müstair
Legenda: Sta. Maria en Val Müstair. Sta. Maria è amez la Val Müstair sin 1375 meters sur mar. RTR/D. Spinnler

Sta. Maria en Val Müstair – pli baud vischnanca, oz fracziun cun radund 300 abitants.

Sin 1375 meters sur mar ed al pè dal pass dal Umbrail. Sta. Maria è in lieu cun contact cun 2 Italias: Sur il pass da l’Umbrail cun la Vuclina, l’Italia taliana. Da Sta. Maria arriv’ins sur il pass da l’Umbrail a Bormio. Vers ost arriv’ins en 5 minutas via Müstair en l’Italia tudestga, en il Tirol dal sid.

Ma Sta. Maria ha er ina spezia da spada da Damokles che penda sur il lieu: Schais sa numna il grond stgarp en la muntogna sur il vitg, rut giu avant tschientaners. Oz è Schais surtut in maletg spectacular. E Sta. Maria è stretg. Amez vischnanca datti in traject nua ch’ins na po betg cruschar cun 2 autos. Durant la stad regna mintgatant il caos.

Mes vitg ed jau raquinta quest’emna questas ed autras istorgias dal pitschen lieu en Val Müstair.