Siglir tar il cuntegn

«Scola Duin» Il vitg da Duin e sia istorgia

Enturn l’onn 840 suenter Cristus è Duin documentà per l’emprima giada, quai sco abitadi “Auna”. Il 14avel tschientaner era Duin ina chastellania dals baruns Belmont e davent da l’onn 1390 dals conts De Sax-Mesauc. La refurmaziun è stada 1526.

Legende: Video Cuntrasts 16-01-1994 abspielen. Laufzeit 31:00 Minuten.
Or da RTR dals 27.08.2015.

Pertge e Duvin daventà refurmà?

Ina ditga declera: Cura che l’entira populaziun da Duin ha fatg ina processiun a Vrin hai entschet a plover e l’entira racolta è ida a mal. Plain gritta èn ils da Duin turnads a chasa e tratg la statua da Maria ch’els vevan cun els, sur il grip giu en la val. Abitants da la vischnanca vischina da Peiden han lura chattà la statua da Maria che veva rut davent dus dets. Ils ulteriurs trais dets mussavan in engirament e la statua ha ditg: “Duas giadas vegn il vitg a brischar e la terza giada croda Duin giu en la val”. Dapi lura saja Duin protestant.

Dus incendis gronds

Duas giadas è il vitg propi quasi brischà giu. Sco la ditga raquinta duess Duin anc crudar insacura en la Val Uastg. Duin è adina stà in vitg da purs. Enturn l’onn 1970 devi da quai d’in tozzel manaschis purils en il vitg sin la spunda. Ils purs vivevan principalmain da la tratga da biestga e la vendita da las gianitschas era la pli gronda entrada finanziala dals purs. Duin sa chatta sin 1180 meters sur mar ed ha ina surfatscha da quasi 18 kilometers quadrats. Vul dir: 5 abitants per kilometer quadrat.

Il schaner 1994 ha Radiotelevisiun Svizra Rumantscha fatg in film sur da la pitschna vischnanca da Duin.