Siglir tar il cuntegn

«Scola Duin» Il pli enconuschent scolast da Duin

Il pli enconuschent scolast da Duin è senza dubi stà il scolast barmier Christian Capeder ch’è naschì il 1907 e mort il 2001 cun 94 onns. El aveva surpiglià la scola da ses bab Mathias Capeder ed è restà per vita duranta scolast.

Legende: Video Il pli enconuschent scolast da Duin abspielen. Laufzeit 4:25 Minuten.
Or da RTR dals 27.08.2015.

Christian Capeder ha instruì 48 onns en la scola cumplessiva a Duin, quai mintgamai tranter il matg e l’october. Sper la scola fascheva el il pur ensemen cun sia famiglia da 4 uffants. Il pli grond dumber d’uffants che Duin ha gì insacura èn stads 27 uffants en 9 classas.

Christian Capeder ha anc sco pensiunà dà scola e l’onn 1974, cun 67 onns, è el lura definitivamain ì en pensiun. Duin aveva memia paucs scolars e la scola è lura vegnida serrada per 13 onns.

Eligi Derungs ha discurrì cun il figl da Christian Capeder, Robert Capeder.