Siglir tar il cuntegn

Header

cuntegn

Minisguard sin visita ScolarAs da Trin fan il Minisguard

Quest’emna èn ils scolars da Trin ils schefs dal Minisguard. Da glindesdi fin gievgia produceschan els ensemen cun il team dal Minisguard l’emissiun dals 08.06.2019.

Ils scolars da Trin che fan il Minisguard.
Legenda: Ils uffants da Trin che pon producir per sonda il Minisguard. RTR, Gian Marco Maissen

Davent da definir ils temas, sur la producziun da las contribuziuns enfin tar la registraziun da las moderaziuns vegn l’entira emissiun dal proxim Minisguard dals 08.06.2019 producida dal tuttafatg en la scola da Trin. E quai ensemen cun las scolaras ed ils scolars. Per la redacziun dal Minisguard munta quai: Far las valischs cun cameras e plazzas da tagl.

Glindesdi – blera nova tecnica

Las scolaras ed ils scolars da Trin han gia preparà ensemen cun la redacziun ils temas per lur emissiun. Las preparaziuns èn fatgas. Ma per pudair filmar e tagliar dovri sco emprim in’introducziun per las giuvnas ed ils giuvens schurnalists.

Video
Emprim di: Ils scolars planiseschan il Minisguard
Or da RTR Social dals 03.06.2019.
laschar ir

Mardi – oz vegn producì

Ils emprims videos per social media ed ils trenaments cun las cameras èn fatgs. Oz vegn filmà tut las contribuziuns. Per las scolaras ed ils scolars da Trin munta quai bleras novas impressiuns ed emprovas cun la camera.

Video
Segund di: Ils scolars èn motivads ed han fatg emprims videos
Or da RTR Social dals 04.06.2019.
laschar ir

Mesemna – il di creativ

Oz han las scolaras ed ils scolars da Trin da malegiar e tagliar lur contribuziuns. Vinavant vegnan las moderaziuns scrittas e trenadas; pertge damaun è lura il grond di.

Gievgia – il grond finale

Entant ch’intginas scolaras e scolars ston anc finir las contribuziuns, vegnan trenadas gia las moderaziuns. Questa saira a las 17:30 spetga lura il grond eveniment: Tut las moderaziuns vegnan fatgas sin il plaz scola a Trin. E tut tgi che ha gust, dastga vegnir a guardar, co las giuvnas schurnalistas ed ils schurnalists fan lur lavur.

Video
Di 4 – ultim di
Or da RTR Social dals 06.06.2019.
laschar ir

RTR Minisguard 17:40