Siglir tar il cuntegn
cuntegn

Revista dal 2017 Revista 2017: Elecziuns en Europa

En ils Pajais Bass, en la Frantscha ed en Germania: Dapertut èsi ì per las plazzas autas en la politica. Ma dapertut èn las partidas etablidas stadas sut squitsch. Surtut da la vart dretga è il squitsch adina vegnì pli grond.

Urna electorala
Legenda: Reuters

Pajais Bass

Mintga quatter onns tschernan ils Neerlandais la segunda chombra, la gronda part dal parlament. Las partidas cun las pli bleras plazzas dattan lura en il tun en il pajais. Il duel per las emprimas plazzas questa primavaira, era quel tranter il prim minister Mark Rutte da la partida conservativ-liberala cunter Geert Wilders da la partida dretga «Partida per la libertad».

Frantscha

Curt suenter las elecziuns en ils Pajais Bass eran ils franzos vidlonder. Els elegian mintga tschintg onns directamain il president. En il prim scrutini vegnan eruids ils dus top candidats. Dus emnas suenter è lura l'elecziun decisiva. Il candidat cun las pli bleras vuschs po lura numnar «Monsieur le Président», ni «Madame la Présidente». Il duel final qua: La presidenta dal parti populistic Marine Le Pen ed Emmanuel Macron dal parti sozial-liberal «La République en Marche»

Germania

Il parlament tudestg vegn elegì mintga tschintg onns. La partida cun la pli bleras plazzas dastgan lura furmar la regenza, ensemen cun autras partidas. Sper la CDU/CSU cun Angela Merkel e l'SPD cun Martin Schulz era surtut la partida populistica AfD en gronda discussiun.

RR actualitad 17:00