La notg passada ha la surveglianza da selvaschina grischuna sajettà il terz luf dal triep dal Beverin en il rom da la regulaziun lubida. Sajettà el hani sin la Muntogna da Schons, communitgescha il chantun. Cunquai èn ussa sajettads tut ils trais lufs dal triep dal Beverin che l'Uffizi federal per l'ambient aveva lubì.
Curt suenter las 03:00 da la notg ha la guardiaselvaschina sajettà in luf mastgel giuven. La situaziun en vischinanza da la vischnanca Muntogna da Schons saja stada ideala per avair l'effect da disturbar e spaventar ils auters lufs.
Il luf vegn tramess a l'Institut per la sanadad da selvaschina e peschs da l'Universitad da Berna per las analisas detagliadas.
