Siglir tar il cuntegn

Header

video
Il festival sConfini ha regurdà al temp da cuntrabanda
Or da Telesguard dals 09.05.2022.
abspielen. Laufzeit 4 minutas 45 Sekunden.
cuntegn

Puschlav/Valtellina Il festival sConfini ha regurdà al temp da cuntrabanda

Durant ils onns 1960 èn vegnidas transportadas 20 fin 30 tonnas café ed ina tonna cigarettas sur il cunfin verd – e quai mintga di.

Durant ils onns 1960 enfin il principi dals onns 70 ha il Puschlav passentà in temp culminant da la cuntrabanda. Mintga di èn vegnidas transportadas 20 fin 30 tonnas café e bundant ina tonna cigarettas sur il cunfin verd en la Vuclina. Da tuttas duas varts han ins profità da quest affar.

audio
sConfini Festival da cuntrabanda: Piero Pola – Casa Besta
aus Actualitad vom 09.05.2022.
abspielen. Laufzeit 3 minutas 51 Sekunden.

Ils cuntrabandists eran Talians, umens giuvens e vegls, students ed era dunnas che han gidà cun questa lavur a meglierar las entradas da la famiglia. Els han gudagnà 5 fin 6 giadas uschè bler sco sch'els avessan fatg ina lavur normala. En l'Italia era la cuntrabanda dentant scumandada. Tgi ch'è vegnì traplà ha stuì dar giu la martganzia ed ha uschia pers il gudogn e la paja. E tgi ch'è vegnì traplà pliras giadas è vegnì davant dretgira.

audio
sConfini Festival da cuntrabanda: cuntrabandiers e daziers
aus Actualitad vom 09.05.2022.
abspielen. Laufzeit 4 minutas 6 Sekunden.

En Svizra: export 2

En Svizra era la cuntrabanda tolerada e legala. Ins ha perfin dà in num ad ella: export 2. Vul dir: ils commerziants svizzers han declerà lur martganzia per l'export al cunfin. L'export ha lura pudì capitar era sur il cunfin verd. Las autoritads svizras han profità da quest affar nair. Sulet l'onn 1969 sajan culads 100 milliuns francs en la chascha svizra. Raps ch'èn vegnids investids surtut en l'AVS.

sConfini: in festival per sa regurdar

Per sa regurdar dal temp da cuntrabanda è vegnì lantschà il festival sConfini, ch'ha gì lieu dals 30 d'avrigl enfin ils 8 da matg. Cun diversas occurrenzas è vegnida tematisada la cultura da la cuntrabanda tranter la Val Puschlav e la Vuclina.

RTR actualitad 07:00

Artitgels legids il pli savens

Scrollar a sanestra Scrollar a dretga