A Li Curt en il Puschlav è in pestgader mort dumengia bun'ura. Cun bittar ora la corda ha quella laschà pigliar ina lingia d'electricitad. Tenor la polizia chantunala ha l'um da 55 onns survegnì ina electrisada mortala.
L'um era partì la bun'ura baud a pestgar en l'aual Val Pednal – ensemen cun ses figl ch'è dentant s'allontanà en l'autra direcziun. Cura che lez è returnà en il territori da Clev ha el chattà ses bab ed alarmà la Rega. Malgrà las emprovas da reanimaziun è il pestgader mort al lieu. La polizia chantunala sclerescha las circumstanzas.