Il chantun quinta che dapli persunas sa laschan puspè vaccinar cunter corona il proxim temp. Quai en consequenza da l’obligatori da certificat che vala a partir da glindesdi.
Oravant tut giuvens che vulan giudair la vita noctura, crai jau, vegnan anc a sa laschar vaccinar.
Surtut ils bus da vaccinar en las regiuns sajan in success, damai che quai saja pli spontan e na dovria nagina annunzia. Sche propi dapli glieud sa laschia uss vaccinar, lura saja da quintar cun temp da spetga. I saja numnadamain grev da savair ordavant, quantas persunas che vegnian al lieu. En general saja il chantun dentant pront per dumagnar la dumonda.
