Siglir tar il cuntegn

Header

audio
Podcast politic: Blers vulan – tgi reussescha?
Or da Pugn da vista dals 03.03.2022.
abspielen. Laufzeit 12 minutas 16 Sekunden.
cuntegn

Nums, cifras e graficas Tgi candidescha per il Cussegl grond?

En tut 491 persunas vulan recaltgar in dals 120 sezs en il Cussegl grond – tantas sco anc mai. RTR ha rimnà datas, nums e porscha ina survista per fuffragnar.

Ils 15 da matg elegia il Grischun per l'emprima giada sias deputadas e ses deputads tenor il proporz. E questa midada dal sistem d'eleger ha purtà ina dinamica en las preparativas: Las partidas tramettan tantas persunas sco anc mai en la cursa.

Surtut cumpareglià cun las ultimas elecziuns da l'onn 2018 – lura anc tenor il maiorz – è il cumbat per in sez bler pli grond: Bun quatter persunas cumbattan en media per in dals 120 sezs en il Cussegl grond.

In ulteriur punct da critica d'avant quatter onns è stà la mancanza da las dunnas. Era qua mussa la survista generala che dapli dunnas candideschan per in sez en il parlament:

Quest onn datti en tut ils 39 circuls ina schelta da candidatas e candidats. Era quai è in novum: L'onn 2018 avevi en 15 circuls exact tantas candidaturas sco mandats. La schelta da persunas – dentant era da partidas – è pia quest onn pli gronda.

Cotschen-verd vul profitar cun diversitad

La Partida socialdemocratica e la Partida verda han decis gia baud dad ir communablamain en il cumbat electoral. En tut candideschan 117 persunas per il Cussegl grond (58 dunnas e 58 umens ed ina persuna indefinida). Per ils Verds vai per insumma far il pass en il parlament – actualmain n'han els nagin en il Cussegl grond. La PS vul profitar dal nov sistem d'eleger e preschenta perquai candidaturas quasi en l'entir chantun – cun excepziun dals circuls Avras e Val Müstair.

PPS vul crescher cun forzas virilas

Era la partida da l'auter pol – la Partida populara – fa quint da gudagnar mandats grazia al nov sistem d'eleger. Dapi las ultimas elecziuns 2018 dumbra la PPS 9 deputadas e deputads en il Cussegl grond. La partida ha nominà candidatas e candidats per tut ils 39 circuls – en tut 120 persunas, pia exact tantas sco mandats en il parlament. In dischiquiliber dat dentant en egl: La PPS va cun 22 dunnas e 98 umens en la cursa.

Verd-liberals cun schanzas intactas

La terza partida grischuna cun speranzas da recaltgar dapli sezs è la Partida verd-liberala. Suenter la demissiun da Josias Gasser represchentan actualmain be dus umens la PVL en il Cussegl grond (Jürg Kappeler da Cuira e Walter von Ballmoos da Tavau). La partida preschenta candidatas e candidats en 17 circuls – en tut 46 persunas (17 dunnas e 29 umens).

La cumprova per l'Allianza dal Center

Dapi la fusiun da PBD e PCD è l'Allianza dal Center la pli ferma fracziun en il Cussegl grond – il medem mument dentant era quella che tema da perder entras il nov sistem d'eleger. La partida va en la cursa cun 110 persunas en tut ils circuls.

PLD na cumbatta betg dapertut

Era la Partida liberaldemocratica ha fin uss profità dal sistem da maiorz e sto quintar cun in regress. Tuttina desista la PLD da candidar en 4 circuls (Belfort, Sur Tasna, Breil e Stussavgia). En il cumbat electoral van ils liberals cun 98 persunas, quai èn pli paucas che tschellas partidas e surtut han il liberals en relaziun la pli bassa cumpart da dunnas che candideschan.

Datas e circuls

Avrir la box Serrar la box

Las survistas graficas ha RTR fatg sin basa da retschertgas tar las partidas. Lezzas han stuì inoltrar enfin ils 21 da favrer las candidaturas a las regiuns e silsuenter ha la chanzlia chantunala verifitgà las candidaturas.

L'elecziun da las 120 deputadas e deputads succeda per l'emprima giada tenor il proporz dubel, ch'il suveran grischun ha approvà l'onn passà. Las 101 vischnancas èn partidas en 39 circuls electorals, che han tuts da bun in tschert dumber da sezs en il Cussegl grond - tut tenor populaziun.

video
Elecziuns: 491 persunas candideschan per il Cussegl grond
Or da Telesguard dals 03.03.2022.
abspielen. Laufzeit 1 minuta 7 Sekunden.

L'elecziun da las 120 deputadas e deputads dal Cussegl grond è ils 15 da matg. Lur emprimas debattas en la nova constellaziun han lura lieu durant la sessiun d'avust.

Tgi chala?

Avrir la box Serrar la box

Circa 1/5 da las 120 deputadas e deputads ha decis da betg pli candidar per in'ulteriura perioda d'uffizi. Tranter quellas in u l'auter num enconuschent en las regiuns:

  • Martin Aebli (AdC, Engiadin'Ota)
  • Silvia Casutt (AdC, Foppa)
  • Alessandro Della Vedova (AdC, Puschlav)
  • Elita Florin-Caluori (AdC, Razén)
  • Conradin Caviezel (PS, Cuira)
  • Urs Marti (PLD, Cuira)
  • Gian-Peter Niggli (PLD, Engiadin'Ota)
  • Gaby Thomann (PLD, Surses)

Per part han las persunas che termineschan lur carriera en il Cussegl grond era gia surlaschà anticipadamain lur sutga en il Cussegl grond a suppleantas e suppleants.

Sper il Cussegl grond elegia il suveran natiralmain era la regenza grischuna mez matg.

Regenza 2022: 7 candidaturas per 5 posts

Avrir la box Serrar la box
Regenza 2022: 7 candidaturas per 5 posts

1 dunna e 6 umens sa mettan en il cumbat per l'elecziun dals 15 da matg 2022:

RTR novitads 12:00

Artitgels legids il pli savens

Scrollar a sanestra Scrollar a dretga