Siglir tar il cuntegn
Inhalt

Interna Stemprads procuran per auts custs tar la Zurich

La seria da stemprads tropics en ils Stadis Unids ed en la Caribica vegn a custar enfin 700 milliuns dollars a l’assicuranza Zurich.

Logo Zurich.
Legenda: L'assicuranza Zurich sto pajar bler pervia da donns entras huricans. Keystone

Il concern Zurich quinta per il terz quartal cun custs totals da radund 700 milliuns dollars. Chaschunà quels han ils trais huricans «Harvey», «Irma» e «Maria» che han furià ils mais da stad en ils Stadis Unids e la Caribica. La gruppa na quinta dentant betg che quests custs possian donnegiar lur forza finanziala. Plinavant scriva la Zurich ch’ils custs da reassicuranza sajan gia includids en questas cifras.

L’assicuranza americana AIG sto quintar cun anc pli auts custs. Uschia quinta ella cun fin a 3,1 milliardas dollars per il terz quartal.

RR novitads 12:00