Votaziun - Vias champestras ad Igis e Landquart pon vegnir renovadas

A Landquart pon las vias champestras vegnir renovadas per 10,65 milliuns francs. Las votantas ed ils votants han approvà il credit a l'urna cun 56% da las vuschs. Cun quest credit vul la vischnanca renovar numerusas vias da funs en il territori da Landquart ed Igis. Sper la renovaziun da radund 17 kilometers via duain er vias da funs existentas che na vegnan betg pli duvradas vegnir renatiralisadas. Tut en tut po uschia puspè vegnir gudagnà enavos radund 13'000 meters quadrat terren. Las investiziuns per il concept, ch'è gia dapi il 2005 sin maisa, vegnan fatgas en pliras etappas.