Siglir tar il cuntegn

Header

video
L'emprim vlog en iert
Or da Battaporta dals 18.05.2020.
laschar ir
cuntegn

Grischun Vlogs en iert – dal sem fin a la racolta

Questa stad è la stad perfetga per far iert. Ma pertge? Perquai che nus na pudain betg ir lunsch en vacanzas ed era betg a festivals gronds. Persuenter vegnin nus probabel a passentar bler temp a chasa. Pia laschain ir liber la stagiun e zerclain, semnain e racoltain.

Questa stad datti vlogs en iert. Davent dal sem fin a la racolta rapporta nossa redactura Nina Defuns dal progress da l'agen iert. Era voss tips per far iert en tschertgads.

Tschertgà: tips e trics da far iert

video
Nina fa iert - cun tes agid
Or da Battaporta dals 08.04.2020.
laschar ir

Sche vus avais in pau idea da far iert as annunziai via e-mail a «social@rtr.ch». Cun voss tips e trics realisescha Nina lura in iert. Quels tips e trics e voss agens bels ierts vegnan lura ad esser part dals vlogs en iert. Uschia pudain nus parter in cun l'auter il plaschair da far iert e gidar in a l'auter.

L'emprim vlog en iert

video
L'emprim vlog en iert
Or da Battaporta dals 18.05.2020.
laschar ir

Volver, suar, lavurar – tgi che vul in iert sto lavurar. Quai ha era nossa redactura Nina Defuns sentì las ultimas emnas. Per fortuna ha Guido Albin dà ad ella tips e trics co volver l’iert. E l’iert da Guido Albin avain nus era gist visità.

Il segund vlog en iert

Tgi dovra schon in plan per semnar in pèr legums? Quai è Nina sa dumandada avant ch'ella ha emprendì d'enconuscher Rosa Hunger. Lezza raquinta pertge ch'in plan è impurtant e mussa gist a nus ses iert a Cuira.
Uschia ha quai tuttina dà in plan per l'iert da Nina e suenter èsi finalmain stà uschè lunsch: temp per semnar!

video
Il segund vlog en iert
Or da Battaporta dals 21.05.2020.
laschar ir

Il terz vlog en iert

Nagin gust da zerclar

Oz raquinta Nina en ses vlog en iert da muments che n’èn betg uschè cools. Per exempel cura ch'i va per zerclar.
Ma ella va era a la tschertga d’in tric co vus stuvais zerclar pli pauc e bagnar pli pauc. Avais mirveglias?

video
Il terz vlog en iert – nagin gust da zerclar
Or da Battaporta dals 26.05.2020.
laschar ir

Tge èn vlogs?

Textbox aufklappenTextbox zuklappen

In vlog è ina sort diari en furma da video. Vlogs vegnan publitgads regularmain e sa tractan dad in tema tar il qual ch'i dat plirs vlogs. Normalmain chattan ins sin plattafurmas socialas u youtube blers vlogs tar tut ils temas pussaivels. Nos «vlogs en iert» tractan il tema far iert durant l'entira stagiun da stad fin l'atun.

RTR Battaporta

Artitgels legids il pli savens

Ir a sanester Ir a dretg