Siglir tar il cuntegn

Header

audio
Blera plievgia chaschuna problems tar ils viticulturs
Or da Actualitad dals 07.08.2021.
laschar ir. Durada: 1 minuta 50 Secundas.
cuntegn

Vendemia sminuida Plievgia chaschuna problems tar ils viticulturs da bio

La sfarinussa fuassa – in bulieu ch'attatga vignas – ha gugent bletsch. Cun la blera plievgia da quest onn ha la sfarinussa pudì sa reparter pli fitg che usitadamain sin las vignas da bio, di Walter Fromm, il cumissari da viticultura dal Plantahof.

Nus avain gia gì quai en auters onns, dentant en quella quantitad è quai rar. Pertutgadas èn davent dal Merlot sur il Chardonnay bleras sorts da vin da bio.
Autur: Walter Fromm cumissari da viticultura dal Plantahof

Il problem è numnadamain ch'ils meds per proteger las vegnas che purs da bio squittan sin lur fritgs èn meds da contact – restan pia sin la surfatscha da las ivas. La plievgia lava lura cuntinuadamain giu quels. Er il temp cura ch'ins po squittar ivas è dependent da l'aura. Il terren sto esser sitg per pudair ir tras cun las maschinas da squittar, senza donegiar il terren.

Damain raccolta

Quai munta pia per ils purs da bio ch'els ston quintar cun ina racolta pli pitschna. En Grischun èn circa 20% dals viticulturs purs da bio. Las vignas betg bio n'èn betg pertutgadas, perquai che lur meds da protecziun che vegnan squittads van en il fritg.

Quai che pertutga la qualitad dal vin, na po Walter Fromm anc betg far ina prognosa, er quai dependia anc da l'aura da las proximas emnas.

RTR actualitad 17:00

Artitgels legids il pli savens