Siglir tar il cuntegn

Header

cuntegn

Grischun Vegnir brin senza il sulegl

Tgi n'avess betg gugent in teint in zic pli brin. Dad ina vart pon ins cuntanscher quai cun star a sulegl. L' autra pussaivladad - la pli sauna - è d'embrinir sasez. Ma co funziunescha quai insumma?

L'emprim ston ins chattar in product adattà. Da lez datti numnadamain ina massa differents. I dettia cremas u er gels e stgimas, declera Denis Veltri, possessura dal «Heaven and Tan», in studio cun duschas d'embrinir a Cuira. Tar tscherts products ves'ins directamain in effect, tar ils blers dentant ves'ins pir suenter duas fin quatter uras in effect. Dasperas datti er anc quels products ch'ins po duvrar mintga di e che dattan mo minim colur.

In peeling è il A ed il O

Impurtant saja da far in peeling avant che duvrar in product d'embrinir sasez, di Veltri. Plinavant stoppian ins era evitar ch'igl haja ieli sin la pel, pia betg unscher en avant.

«Per applitgar il product dovr'ins il meglier guants. Uschia è il resultat pli regular.» La foppa dal schanugl ed il cumbel sco er parts cun pel dira duess ins evitar. Suenter stoppian ins guardar che la pel na sieua betg ora, perquai ch'ina substanza en ils products d'embrinir dehidreschia la pel. Sch'ins na vul betg embrinir sasez a chasa, lura pon ins era ir tar il profi e prender ina duscha d'embrinir.

Artitgels legids il pli savens