Siglir tar il cuntegn
Inhalt

Valladas talianas Vicosoprano: 12 han stuì dar giu permiss dad ir cun auto

Memia spert, bler memia spert e dus excess: Quai il resultat d'ina controlla da spertadad en la Bregaglia la dumengia suentermezdi.

Controlla da radar.
Legenda: En tut han 12 automobilistas ed automobilists stuì dar giu lur permiss a la polizia. Keystone

En tut han 12 automobilistas ed automobilists stuì dar giu lur permiss a la polizia. A 37 ulteriuras persunas vegnan ils permiss da manischar retratgs posteriuramain.

Plirs automobilists èn charrads memia spert

La controlla da spertadad è vegnida fatga la dumengia avantmezdi sin la via da Malögia H3 sin il sviament da Vicosoprano. Durant la controlla èn dapli che 1'800 vehichels vegnids registrads. Da quels han 335 persunas betg sa tegnì vid la spertadad maximala dad 80 kilometers l'ura che vala sin il sviament da Vicosoprano en direcziun Italia. Dus automobilists sajan charrads passa 140 kilometers l'ura enstagl dad 80. Quai scriva la polizia chantunala. E bunamain 100 automobilists sajan stads tranter 21 e 59 kilometers l'ura memia sperts.

RR novitads 10:00