Siglir tar il cuntegn

Header

cuntegn

Val Bregaglia Il Piz Cengalo è puspè en moviment

La vischnanca da Bregaglia ha confermà la crudada da crappa. La situaziun saja però sut controlla ed il mument na saja betg da far quitads, uschia la presidenta Anna Giacometti.

Moviments normals

Ils experts han confermà ch’i sa tracta da moviments da la muntogna che sa repetan adina puspè e che sajan normals. Cun ils apparats da mesirar installads vegnia ussa la situaziun valitada exactamain. Ulteriuras infurmaziuns dettia però be sche quai fetschia basegn. Tenor las explicaziuns da l’Uffizi chantunal da guaud e privels da la natira da l’avrigl passà pudessan anc crudar ulteriurs 3 milliuns meters cubic material giu dal Cengalo.

Tar la gronda bova d’avant stgars 2 onns en la Bregaglia eran passa 3 milliuns meters cubic material sa statgads. Els avevan destruì plirs edifizis e sepulì 8 persunas sut las massas da crappa e belma.

RR novitads 17:00

Artitgels legids il pli savens