Siglir tar il cuntegn
Inhalt

Valladas talianas Urs en la Val di Roggiasca

En la Val di Roggiasca, ina val laterala da la Val Mesolcina ha in chatschader pudì observar in urs.

Maletg simbolic: En la Val Mesolcina è vegnì observà in urs.
Legenda: Maletg simbolic: En la Val Mesolcina è vegnì observà in urs. Uffizi chantunal da chatscha e pestga

L’observaziun saja vardaivla e pretendia d'augmentar l'attenziun, uschia communitgescha l’uffizi chantunal da chatscha.

Tenor il guardiaselvaschina dal district Moesa na dettia nagin motiv per alteraziun. La Val di Roggiascia saja pliras uras davent da las proximas chasas da la vischnanca da Roveredo.

L'ultima giada ch'igl è vegnì observà in urs en il Grischun è stà l'avust en la Val Müstair. Il matg aveva pliras persunas observà l'animal en la Val Puschlav.

RR novitads 17:00