Siglir tar il cuntegn

Header

cuntegn

Unfrendas al Piz Cengalo Giustia terminescha l'inquisiziun

En connex cun las unfrendas da la bova da Bondo na sto nagin sa giustifitgar davant dretgira.

La procura publica grischuna haja suspendì l’inquisiziun davart la bova da Bondo. Quai scriva la «NZZ am Sonntag». L’eveniment na saja betg stà previsibel. Perquai na possian ins betg accusar insatgi dad esser stà negligent, uschia il procuratur public Maurus Eckert envers la gasetta. I na sa tractia anc betg dad ina decisiun cun vigur legala.

Tar la crudada da grippa al Piz Cengalo ils 23 d’avust 2017 eran otg alpinists morts. Els eran da viadi sin sendas al Piz Cengalo cura che quatter milliuns meters cubics crappa e grippa èn vegnids a val. Perquai ha la procura publica intercurì sch’ils alpinists sajan vegnids infurmads bain avunda davart il privel.

RR novitads 09:00

Artitgels legids il pli savens