Siglir tar il cuntegn

Header

cuntegn

Valladas talianas Roveredo: Opposiziun accepta resultat

Il «Movimento un Cher per Roré» accepta la decisiun a l'urna da dumengia. Cun 702 cunter 538 vuschs ha il suveran ditg GEA da vender trais parcellas cun ina surfatscha totala da bunamain 10'000 meters quadrat per 2,3 milliuns francs a l'interpresa d’immobiglias Alfred Müller SA.

Sco quai che Gionata Pieracci dal «Movimento un Cher per Roré» – en rumantsch in chor per Roveredo ha ditg envers RTR, acceptia il moviment il resultat da votaziun. Cun quai che la differenza da vuschs saja gronda avunda na pretendian ins betg ina verificaziun dal scrutini.

Nagins observaders

Avant la votaziun aveva il moviment anc pretendì, ch'intgins observaders dal «Movimento un Cher per Roré» pudessan esser preschents tar la dumbraziun da las vuschs. Quai aveva la vischnanca da Roveredo dentant refusà, cun sa referir sin il reglament communal da las elecziuns e votaziuns.

RR novitads 17:00

Artitgels legids il pli savens