Siglir tar il cuntegn
cuntegn

Valladas talianas Roveredo di gea ad in nov center dal vitg

En ina votaziun consultativa han ils votants da Roveredo approvà il project 'Roveredo Viva'. L'interess è stà grond: La participaziun a la votaziun consultativa è stada tar 73.46%.

 Il center dal vitg da Roveredo duai vegnir refatgs per 60 milliuns.
Legenda: Il center dal vitg da Roveredo duai vegnir refatgs per 60 milliuns. SRF

Il project prevesa in tozzel bajetgs, tranter auter cun 100 abitaziuns novas, ina garascha sutterana per 250 autos e duas plazzas publicas.

La firma ch'aveva gudagnà la concurrenza da la vischnanca vul investir en il center dal vitg da Roveredo 60 milliuns francs.

Las lavurs duain cumenzar anc quest onn. A fin duai il nov center dal vitg da Roveredo esser l'onn 2021.

Critica vers pretsch dal terren e planisaziun

Ils critichers dal project han las davosas emnas s’organisà sin facebook. Anna Cattaneo abita e lavura a Roveredo. Tar questa fatschenta da barat vegnia il pretsch dal terren vendì memia bunmartgà. Betg cler saja era tge consequenzas in tal nov quartier haja per Roveredo. Ins na sappia era betg sch’ins dovria lura ina nova scola e cun tge cuosts ch’ins stoppia anc quiantar.

RR actualitad 14:00