Siglir tar il cuntegn

Header

cuntegn

Reconstruir Bondo Glisch verda per dus projects parzials

La regenza grischuna ha dà glisch verda per dus projects parzials per reconstruir Bondo.

La regenza ha approvà ils dus projects parzials dal project «Reparaziun suenter la crudada da crappa al Piz Cengalo e las bovas a Bondo»

  • L’emprim project cumpiglia tut las mesiras immediatas per rumir e deponer il material ch’è vegnì a val.
  • Tar il segund project sa tracti da reparar l’infrastructura forestala da la vischnanca.

Ils dus projects custan ensemen 14,6 milliuns francs. 80% da quels custs surpiglia il chantun.

La bova e las sbuvadas, da la stad avant dus onns, han manà a val tut en tut var 500'000 meters cubic material ed han cuvrì la via chantunala sco er entiras parts dals abitadis da Bondo, Promontogno, Sottoponte e Spino.

Prim project

Il project parzial «Mesiras d'urgenza, rumida e deponia» cuntegna tut las mesiras d'urgenza e da segirada ch'èn vegnidas prendidas, la rumida da material, la deponia sco er la circulaziun dal traffic sin plaun communal. Il project duai vegnir terminà l'onn 2023.

Segund project

Il segund project parzial cumpiglia la reparaziun da l'infrastructura forestala communala. Concretamain cuntegna il project la construcziun d'in access segir per Bondo, la reparaziun da l'avertura da la Val Bondasca sco er la reconstrucziun da la rait principala da la chanalisaziun durant la fasa acuta da l'onn 2017.

RR novitads 10:00

Artitgels legids il pli savens