Siglir tar il cuntegn

Header

cuntegn

Valladas talianas Procura publica grischuna examinescha catastrofa da Bondo

La Procura publica grischuna sa fatschenta uffizialmain cun la bova da Bondo. Els hajan avert in'inquisiziun penala, ha confermà il procuratur responsabel envers la «Sonntagszeitung».

I giaja per la dumonda sch'insatgi saja la culpa, che otg viandants èn morts en il territori periclità en la Val Bondasca. La Procura publica dal Grischun examinescha ussa sche las tavlas sin ils trutgs ch'infurmavan dals privels eran suffizientas. Il mument na sa drizza l'inquisiziun betg cunter ina persuna specifica.

Vitiers sclerescha la Procura publica sch'ils responsabels han surveglià avunda la zona da privel. Ins haja spetgà la bova, perquai hajan las autoritads surveglià il Piz Cengalo, installà tavlas d'infurmaziun ed in sistem d'alarm. Fin uss na saja betg enconuschent, daco ch'ils otg viandants da la Svizra, Germania e l'Austria eran tuttina en il territori periclità. Ins na sappia er betg tge che saja schabegià cun ils viandants. Ins n'haja mai chattà las baras.

La bova era vegnida la fin da l'avust 2017 giu dal Piz Cengalo. Il material ch'era vegnì da la val ora, aveva destruì ina part dal vitg da Bondo.

RR novitads 09:00

Artitgels legids il pli savens