Siglir tar il cuntegn

Header

Navigaziun

Legenda: Guardar il video Premi Wakker 2015 per la Bregaglia. Durada 03:12 minutas.
Or da Telesguard dals 20.01.2015.
cuntegn

Valladas talianas Premi Wakker 2015 per la Bregaglia

Il Premi Wakker dal 2015 va a la vischnanca fusiunada Bregaglia. Igl è uschia la 5avla giada ch'ina vischnanca grischuna vegn onurada cun il premi ch’è dotà cun 20’000 francs, quai suenter Guarda (1975), Spleia (1995), Vrin (1998) e Fläsch (2010).

La Protecziun da la patria è sa decidia per la Bregaglia perquai che vegl e nov hajan plaz in dasper l’auter, uschia per exempel la veglia tur-baselgia da Soglio ed il nov bajetg da la Villa Garabald a Castasegna. La vallada haja realisà ch'ella possedia ina cultura da bajegiar preziusa ed ina cuntrada culturala intacta. Cun sensibilisar la populaziun promovian ins era ina architectura contemporana d'auta valur.