Valladas talianas - Polizia sclerescha cas d’enguladitsch
La polizia chantunala ha pudì sclerir plirs cas d'enguladitsch ch'èn vegnids commess la fin da schaner en Bregaglia ed a Masein.
Sco quai ch'ella communitgescha sajan 3 umens da l'exteriur vegnids arrestads. Els hajan per part confessà ils delicts.
Als umens possia vegnir cumprovà d'avair commess 6 enguladitsch cun infracziun. Durant las investigaziuns saja er sa mussà ch'in dals arrestads saja responsabel per ulteriurs delicts en Svizra. Tar ils enguladitschs era vegnì engulà rauba per 40’000 francs e chaschunà donns da 26’000 francs.