Siglir tar il cuntegn
Inhalt

Valladas talianas Pliras nursas mazzadas en il Mesauc

A Cama en il Mesauc ha para in luf mazzà 17 nursas. Ils animals sa chattavan entaifer ina saiv ma na vegnivan betg pertgirads da chauns da protecziun, quai rapporta radio «Südostschweiz».

Ina muntanera da nursas.
Legenda: Ils purs èn vegnids admonids da metter las muntaneras en stalla. Keystone

La notg sin mesemna èn vegnidas mazzadas a Cama datiers da Roveredo en il Mesauc 17 nursas. La muntanera era entaifer ina saiv ma betg protegida cun in chaun da protecziun. Pussaivel è ch’in luf ha mazzà las nursas. Ma ina cumprova da DNA manchia fin uss, ha ditg Georg Brosi manader dal Uffizi da chatscha e pestga grischun a radio «Südostschweiz».

En tut eran set nursas mortas e 10 ulteriuras hajan stuì vegnir mazzadas pervi da las blessuras grevas. Il mument na possian ins betg dir sche quai sa tractia d’in luf e danunder che quai luf pudess vegnir.

Ils purs en il Mesauc èn vegnids admonids da metter tut las muntaneras en stalla per impedir ulteriurs donns.

RR novitads 10:00