Siglir tar il cuntegn

Header

cuntegn

Valladas talianas Plievgia per Bondo – ma er privel?

Per la notg da gievgia sin venderdi fan ils meteorologs quint cun plievgia en il sid da la Svizra. Era Bondo pudess esser pertutgà.

Thomas Bucheli da SRF Meteo è precaut cun dar previstas concretas: I saja pel mument fitg delicat cun quai che la situaziun a Bondo stettia sut gronda tensiun. Ins haja da far quint cun plievgia la gievgia saira. La front vegnia fin el Tessin e da là ora probablamain era fin en la Bregaglia.

audio
Quant grond è il privel per Bondo?
ord Actualitad dals 30.08.2017.
laschar ir. Durada: 2 minutas 16 Secundas.

La situaziun specifica al lieu è decisiva

Grondas quantitads da plievgia na duessi betg dar, manegia Thomas Bucheli. Decisiv sajan lura dentant facturs sin il lieu – sco per exempel nua ch'i plova exactamain, nua che l’aua va a val e sa ramassa u sche la forza da l’aua po metter en moviment ina nova bova.

L'analisa detagliada han da far ils geologs

Tge che sa metta en moviment nua e cun tgenina forza na possia el sco meteorolog dentant betg analisar. Quai saja la lezia dals geologs ed ils responsabels al lieu.

Thomas Bucheli spera dentant, ch'i na tutgia questa giada betg a Bondo e che tut giaja bain. La sonda daventia lura puspè pli bella e cunzunt sitga.

video
Meteo
Or da Telesguard dals 30.08.2017.
laschar ir. Durada: 48 Secundas.

RR actualitad 17:40

Artitgels legids il pli savens