Siglir tar il cuntegn

Header

Navigaziun

carta dal tessin e mesauc
Legenda: Tenor la staziun da mesirar èn era las valurs da San Vittore creschidas sin sur 85 mg/m³. ti.ch/oasi
cuntegn

Valladas talianas Particlas finas surpassan limita en il Tessin, e giudim il Mesauc

Il Tessin patescha actualmain d'ina concentraziun da particlas finas fitg auta pervi da la sitgira che regia gia ditg. Pertutgà è era il Mesauc dal sid.

Tenor las autoritads è la situaziun critica. La limita da 50 milligrams particlas finas pro meter cubic saja surpassada massivamain – surtut en la regiun tranter Biasca e Chiasso. Las autoritads appelleschan a la populaziun da desister tant sco pussaivel dad ir cun auto e da reducir ils stgaudaments. Il cumenzament da l'emna nova prevesa il Tessin lura mesiras pli severas.

Pertutgà il pli fitg da las particlas finas èn il Mendrisiotto e la regiun en il sid dal Monte Ceneri. La staziun Bioggio en la planira Vedeggio ha mesirrà fin 105 milligrams particlas finas pro meter cubic.

Era problem en il Grischun

En il Mesauc è la polluziun da l'aria era adina puspè in tema. Actualmain mussan las mesiraziuns dal chantun Tessin , il link avra en ina nova fanestraera valurs pli autas per la staziun a San Vittore, giudim il Mesauc. Durant l'entir'emna è la valur stada augmentada radund enturn la limita da 50 milligrams. Venderdi è la valur creschida cleramain sur la limita.

RR novitads 20:00