Siglir tar il cuntegn

Header

Navigaziun

Purtret da la costa en fim e la tabla dal vitg.
Legenda: La costa en fim, vis da Soazza anor. RTR, Carlo Albin
cuntegn

Valladas talianas Omadus fieus sut controlla

En la Val Calanca ha brischà ina surfatscha da 200 sin 400 meters. En la Val Mesauc era quai ina surfatscha da 1'200 sin 600 meters. Questa notg èn quests fieus vegnids sut controlla.

Durant la notg aveva il fieu en la Val Mesauc pudì vegnir stizzà curtamain. Las flommas han dentant puspè cumenzà a brischar. Il fieu saja tenor la polizia chantunala dentant sut controlla e bunamain stidà. La via chantunala e l'autostrada ch'eran serradas èn puspè avertas.

Helicopters davent da las 08:00 en Val Calanca

Dus ulteriurs helicopters èn en funcziun en Val Calanca dapi las 08:00. Durant il mument il pli precar en la Val Calanca è il fieu stà be 50 meters davent dal vitg Braggio. Dentant hajan naginas persunas stuì vegnir evacuadas. Il fieu saja sut controlla.

Il privel d'incendis en il Grischun resta en l'entir chantun considerabel. Quai pervi da la pauca naiv e plievgia dals dis passads.

RR novitads 07:00