A partir da l’avrigl che vegn mainan Monika Müller e sieu um Christian Speck l’hotel Palazzo Salis. Els èn da Basilea e possedan la in restaurant ed ina firma da catering, il «Pfifferling». Dar si quel affar che va bain è betg uschè simpel di Monika Müller, ma els han adina schon vulì turnar sin il pajais ed han uss prendì la chaschun che il Palazzo Salis ha duvrà novs fittadins.
Investiziuns fan da basegn per avair success
Per manar en in bun futur l’hotel sto vegnir investì. Forsa pon ins far dapi stanzas, segir dovri dapi bogns di Penelope Willi-Von Salis. E quai che fa prescha è in stgaudament. In dals pli gronds problems dal Palazzo saja numnadamain la temperatura. Da mars cura che la stagiun cumenza èn 0 grads èn l’hotel e fin da zercladur han ins difficultad da stgaudar la chasa, che è dapi il 1876 in hotel.
Plirs 100'000 francs èn da basegn per far las investiziuns, ils raps dentant mancan anc. Willi-Von Salis è vidlonder da ramassar raps.