Siglir tar il cuntegn
cuntegn

Valladas talianas Mesolcina: Suenter l'incendi vegn il scorset

L'incendi dal december passà en Mesolcina ha chaschunà enorms donns. Uss ston las plontas ch'èn vegnidas donnegiadas vegnir pinadas e la scorsa sto vegnir fatga giu per evitar ulteriurs donns entras il bau-scorsa.

Legenda: Guardar il video Gudagnà cunter il fieu ma uss cuntinuescha el cunter il bau scorsa. Durada 03:55 minutas.
Or da Telesguard dals 25.05.2017.

L'incendi en Mesolcina dal december passà ha chaschunà gronds donns. Uss èn ins vidlonder da renovar il guaud da protecziun sur Mesocco. Plantas donnegiadas vegnan pinadas e la scorsa sto vegnir fatga giu. Quai cunzunt per evitar ch'il bau scorsa sa derasa anc pli fitg. Quel è numnadamain gia uss fitg present en il guaud e chaschuna donns.

Accessibel miserabel

Cunquai che la regiun cun ils donns n'è accessibla miserabel perquai ch'i è uschè taiss èsi vegnì transportà containers en la regiun per ch'ils lavurers pon gist star l'entir'emna en il lieu. En tut duain las mesiras custar almain 830'000 francs, la gronda part da quels custs surprendan chantun e Confederaziun.

RR actualitad 17:00