Siglir tar il cuntegn

Valladas talianas Mensas da las scolas Bregaglia èn fittas

3 scolas datti en Val Bregaglia: Malögia, Vicosoprano e Stampa. Tuttas 3 han ina mensa e tuttas trais han uss il certificat d'ina maisa da mezdi excellenta. Quest fa part dal program chantunal «Bisch fit». In onn ha la scola Bregaglia lavurà per ina mensa pli sanadaivla. Cun success.

tut la gruppa
Legenda: Ils 3 cuschinunz culs certificats, Roland Valentin manader da scola e Karin Hofer sper Karin Jäger dal chantun Grischun RTR, V.Rominger

«Maisa da mezdi excellenta», il link avra en ina nova fanestra quest certificat penda dapi venderdi en mintg'ina da las 3 mensas en Val Bregaglia. Per tschiffar quest certificat ston las scolas ni autras instituziuns che lavuran cun uffants e porschan ina maisa da mezdi ademplir criteris.

Agid professiunal

Karin Jäger, cussegliadra da nutriment cun mandat dal chantun Grischun ha accumpagnà durant 1onn las mensas da la Bregaglia.

Sco emprim ha Karin Jäger prendì sut la marella ils plans da menu. Quests stuevan vegnir adattads als criteris dads avant per insumma tschiffar il certificat. Betg dal tut simpel a l'entschatta per ils 3 cuschiniers. Tuts han dentant collavurà - per pasts pli sanadaivels., il link avra en ina nova fanestra

Ils criteris

Mintga past sto consister or da:

  • idrats carbonics, sche pussaivel cun graun integral
  • proteins, midar giu cun la sort
  • ma be 3 giadas l'emna charn
  • bavrondas senza zutger

Cuschinà duai vegnir:

  • senza bler grass
  • resguardond las stagiuns
  • maximalmain 1 giada al mais insatge frittà ni panà
  • betg memia repetiziuns guardà sin tut il mais