Siglir tar il cuntegn

Valladas talianas Manischunz dorma – bus cun donn total

Sin l'autostrada è in car vegnì giu da la via ed è charrà en ina saiv da protecziun cunter selvaschina. Il manischunz era sulet en l'auto ed è sa durmentà. Blessads n'haja dà nagins communitgescha la polizia chantunala.

persunas fan urden suenter in accident d'in car sin l'autostrada
Legenda: Durant far urden ha il vial nord da l'autostrada stuì vegnir serrà durant plirs muments. POCHA

Il car era da viadi da Milano direcziun nord. A San Bernardino leva quel ir per ina gruppa da viadi in kilometer avant la sortida da Lostallo è il chauffeur sa durmentà e vegnì giud via, quai tenor sias atgnas indicaziuns.

Il car è vegnì donnegià dal tuttafatg. Durant la rumida ha l'autostrada stuì vegnir serrada pliras giadas per curts muments.

RR novitads 16:00