Siglir tar il cuntegn
Inhalt

Valladas talianas Le Prese: 6 blessads suenter collisiun d'autos tar binaris

A Le Prese en il Puschlav en ier saira tar in accident 6 persunas vegnidas lev blessadas.

autos destruids
Legenda: Ils 2 autos è donnegiads totalmain. PoCha

Sco la polizia chantunala scriva era ina automobilista da viadi da Tirano en direcziun dal Puschlav. Nua che la viafier retica e la via principala sa spartan, saja la dunna charrada vinavant sin ils binaris da la viafier. Suenter bun 30 meters vuleva ella manar l’auto enavos sin la via, sur il paracar. Sinaquai èsi vegni ad ina collisiun cun in auto che vegniva encunter.

binaris e via sper l'auter
Legenda: La manischunza è suandada ils binaris e vuleva turnar sin il vial. PoCha

Las 6 persunas blessadas ha l'ambulanza transportà en l'ospital a Poschiavo per ulteriuras controllas. Ils dus autos han in donn total.

RR novitads 18:00