Siglir tar il cuntegn

Header

cuntegn

Valladas talianas Las bovas da Bondo custan radund 41 milliun francs

Las bovas da l’avust a Bondo han fatg donns en la regiun da Bondo da circa 41 milliun francs. Ina prima stimaziun mussa ch’ils donns vida ils edifizis e l’infrastructura da la vischnanca fan ora ils auts custs.

audio
Ina situaziun difficila per la vischnanca da Bregaglia
ord Actualitad dals 14.12.2017.
laschar ir. Durada: 2 minutas 38 Secundas.

La vischnanca da Bregaglia ha nudà donns da bun 20 milliuns francs. Sulet l’infrastructura da la vischnanca da Bregaglia ha prendì donns da circa 10 milliuns francs. Ils ulteriurs bun 10 milliuns èn vegnids duvrads per mesiras immediatas da rumir il batschigl.

Ils blers custs porta il chantun

Il chantun Grischun e la Confederaziun surpiglian stgars 16 milliuns francs da quests donns. La vischnanca 7,9 milliuns e l’assicuranza d’edifizis ha da surpigliar 13,7 milliuns francs, scriva la vischnanca da Bregaglia. En las stimaziuns mancan anc ils custs da las assicuranzas privatas. Ma era ils custs per il militar ed la protecziun civila n’èn betg includids.

Experts spetgan anc dapli bovas

La situaziun da privel al Piz Cengalo ed en la Val Bondasca n’è anc betg surmuntada. Uschia vegnan anc ulteriuras bovas e crudada da crappa spetgads il proxim temp. Perquai è la vischnanca fitg cuntenta che quai ha dà uschè bleras donaziuns. Per pudair reglar ch’ils daners vegnan era en il dretg lieu duai uss vegni fundà ina cumissiun per las donaziuns.

RR novitads 20:00

Artitgels legids il pli savens