En il segund scrutini èn vegnids elegids Gianluca Giovanoli e Daniele Giovannini en la suprastanza communala da Bregaglia. Giovanoli ha obtegnì 272 e Giovannini 255 vuschs.
Avant trais emnas, tar il prim scrutini, avev’ins pudì occupar mo in dals trais sezs vacants. Be Remo Capadrutt aveva cuntanschì la maioritad absoluta.
Participaziun da 60%
Totalmain èn vegnidas inoltradas 708 vuschs valaivlas e quai cun ina participaziun a la votaziun da 60%. La suprastanza communala da la Bregaglia è ussa cumpletta cun set suprastants ch'èn elegids per ils proxims dus onns.
RR novitads 11:00