Siglir tar il cuntegn
cuntegn

Valladas talianas Incendi da guaud en Val Puschlav

Sur Poschiavo, datiers da Pozzascha ha ars l’avantmezdi ina surfatscha da bun 500 meters quadrat. In pur aveva envidà per lavurs da rumida quest fieu ed alura pers la controlla sur dal fieu.

In fieu en in guaud.
Legenda: Il fieu era vegnì ord controlla ed ha ars sin ina lunghezza da 500 meters quadrat. mad

Curt avant las otg ha il pur cumenzà cun sias lavurs ed per quest intent fatg in fieu. Curt suenter è il fieu vegnì ord controlla ed il pur ha infurmà ils pumpiers.

Ils pumpiers da Poschiavo èn stads en acziun cun radund 10 persunas. Per pudair stizzar il fieu en in lieu grev accessibel han ils pumpiers clamà per agid in helicopter.

Il suentermezdi han ils pumpiers alura giu sut controlla l’incendi. Brischà è en tut in territori da radund 500 meters quadrat scriva la polizia chantunala. Ils pumpiers han pudì survegnir sut controlla il fieu ed il suentermezdi è el vegnì stizzà.

RR novitads 18:00