Il premi «Watt d’Or» per interpresa grischuna

Il premi «Watt d’Or» vegn surdà da l'Uffizi federal d'energia a Berna. Tranter ils 9 victurs sa chatta l’interpresa grischuna cun sedia a San Vittore en il Mesauc.

In um dasper in maun da roboter per far montaschas.

Legenda da maletgs: Daniel Lepori il schef da Designergy SA avant il maun da roboter per montar ils elements da tetg. SRF

L’interpresa grischuna Designergy SA da San Vittore el Mesauc ha sviluppà in nov element da tetg cun cellas da solar integradas directamain en il tetg. Il manader da l’interpresa Daniel Lepori ha declera il concept al schurnal regiunal Grischun da SRF suandantamain: «Tar in implant solar sin tetg pon ins dir gea ni na, in tetg sin ina chasa dovra dentant mintgin.» La Designergy survegn il premi en la categoria «energia regenerabla».

L’idea dal premi «Watt d’Or» è da undrar prestaziuns extraordinarias en il sectur d'energia. Il premi vegn quest onn gia surdà per la 10avla giada.

RR novitads 07:00