Guiu Sobiela survegn il premi «Cubetto PGI 2015»

Guiu Sobiela-Caanitz è enconuschent als lecturs da La Quotidiana sco collavuratur liber. El vegn undrà cun il «Cubetto» perquai ch'el promovi la lingua taliana en il Grischun ed en Svizra cun scriver artitgels, argumentescha la PGI.

logo da la Pro Grigioni Italiano

Legenda da maletgs: La Pro Grigioni Italiano ha surdà il premi Cubetto 2015 mad

Sobiela deriva oriundamain da la regiun Catalana da la Frantscha dal Sid. El abitescha ad Ardez en l'Engiadina Bassa. En mintga lieu nua ch'el è stà ha Guiu Sobiela emprendì almain ina lingua. Uschia promovia e rinforzia el il barat tranter las regiuns linguisticas.

Il Cubetto PGI è in premi che sa drizza a simpels burgais che s'engaschan per la minoritad taliana en il Grischun. La Pro Grigioni Italiano vul undrar il curaschi civil dad umans che defendan il diever dal linguatg talian en il mintgadi cun acziuns grondas u er pli pitschnas.