Siglir tar il cuntegn
cuntegn

Valladas talianas Gidar da cuvrir ils custs da stizzar il guaud en il Mesauc

Il Padrinadi svizzer per vischnancas da muntogna metta a disposiziun 200’000 francs sco agid immediat per las vischnancas ch’èn pertutgadas dals incendis da guaud en il Grischun ed il Tessin.

In helicopter stizza ils fieus da guaud en il Mesauc.
Legenda: Ils incendis dal guaud en il Mesauc custan blers milliuns francs. Keystone

Cun ils daners duain las vischnancas da Braggio, Mesocco, Soazza ed il vitg tessinais Chironico pajar ils custs per stizzar il fieu e finanziar las lavurs da rumida e da reconstrucziun, ha communitgà il Padrinadi. Ils incendis han destruì 250 hectaras guaud e chaschunà donns da milliuns. Senza cuntramesiras sto quai vegnir quintà cun erosiun, bovas, crudada da crappa e lavinas scriva il Padrinadi svizzer per vischnancas da muntogna.

Las mesiras necessarias vegnan ad engrevgiar las vischnancas sur plirs onns ora. Senza agid da ordaifer èn talas lavurs quasi betg supportablas per las vischnancas pertutgadas.

RR novitads 15:00