Siglir tar il cuntegn

Header

cuntegn

Valladas talianas Futur Hotel Kulm a Malögia resta intschert

La populaziun da la Val Bregaglia duai quest'emna decider davart la nova lescha communala per segundas abitaziuns. Reglà en questa è surtut co che hotels ed edifizis caracteristics per il lieu duain vegnir tractads. A l'Hotel Kulm a Malögia ch'è serrà dapi il 2006 na para la lescha betg da gidar.

audio
Bunura: Bregaglia tge munta la lescha da segundas abitaziuns per la regiun
ord Actualitad dals 15.12.2016.
laschar ir. Durada: 2 minutas 40 Secundas.

Hotels che na rendan betg pli mo sco hotel pon tenor la lescha federala per segundas abitaziuns transmidar la mesadad da l'hotel en segundas abitaziuns. Sin il territori da la Val Bregaglia ston quels hotels esser caracteristics per il lieu e betg gia esser en ina zona definida.

Quai è il cas tar l'Hotel Kulm, Palace u Bregaglia. En questas zonas èsi gia definì tge che po vegnir fatg. La lescha per segundas abitaziuns n'ha betg influenza, di la presidenta communala da la Bregaglia Anna Giacometti. L'Hotel Kulm saja ultra da quai in cas spezial, perquai ch'ins stuess sco emprim definir, sch'in edifizi ch'è serrà dapi passa 10 onns vala tenor la definiziun insumma sco hotel.

Passa 400 edifizis caracteristics per il lieu en Val Bregaglia

In'emprima evaluaziun fatga da la vischnanca communala parta dal fatg ch'i dat dapli che 400 edifizis ch'èn caracteristics per il lieu. Tranter quels bleras stallas. Tals objects pudessan vegnir transfurmads en segundas abitaziuns.

RR actualitad 07:00

Artitgels legids il pli savens