Sco quai che la «Südostschweiz» rapporta, succedia la serrada en trais fasas e duai esser a fin sin l'entschatta dal 2017.
Gia il mars aveva la Alice Allison SA communitgà ch'ins examineschia da serrar la fabrica a Grono. La raschun saja l'ambient economic che saja vegnì difficil.
La firma producescha dapi onns capslas da café cumpatiblas cun maschinas da Nespresso. Pervi da quai ha la firma adina puspè gì dispitas giuridicas.