Siglir tar il cuntegn

Header

cuntegn

Valladas talianas Fieu en ina clinica finescha cun blessads

A Castaneda giudim la Val Calanca hai brischà en ina stanza da la clinica Paracelsus Al Ronc. Tar l’incendi la notg da mesemna sin gievgia èn duas persunas vegnidas blessadas.

Pervi dal fieu en ina stanza da pazients haja dà fim spess en il bajetg, scriva la Polizia chantunala. Ina pazienta cun grevas blessuras haja l’ambulanza transportà en l’ospital a Lugano. In pumpier ha duvrà tgira pervi d’ina tissientada da fim.

21 pumpiers en acziun

Per cumbatter l’incendi èn duas squadras da pumpiers stadas en acziun, vinavant èn stadas involvidas duas ambulanzas e dus policists chantunals. Il donn da material munta a plirs millis francs. La raschun per l’incendi sclereschan spezialists da la polizia chantunala grischuna.

RR novitads 16:00

Artitgels legids il pli savens