Dobfar veglia sviluppar en ses manaschi en il Puschlav structuras per in partenadi social, e quai ensemen cun il sindicat Unia. Uschia citescha la pagina d'internet Südostschweiz ina communicaziun da medias da l'Unia.
L'atun passà aveva il sindicat Unia crititgà la firma Dobfar, perquai ch'ils lavurants survegnian pajas bler memia bassas. Ultra da quai haja il chantun Grischun fatg regals da taglia a la firma, en il rom da la promoziun d'economia, aveva l'Unia reclamà.
RR Novitads 22:00