Siglir tar il cuntegn
cuntegn

Valladas talianas Deira n'è betg pli isolada

La fracziun da Deira a Mesocco n'è betg pli isolada dal rest dal mund. La lavina ch'è vegnida a val gievgia da mezdi aveva bloccà la via sin ina lunghezza da 30 meters.

ina lavina tschuffa da var 30 meters ladezza.
Legenda: Ina lavina tschufragnada da terra è vegnida a Mesocco giu sin la via vers Deira. RSI, rescue media

Ils radund 30 abitants da Deira, la fracziun a la spunda sur Mesocco, han puspè pudì vegnir giu en il vitg. Quai però mo a pe, ha confermà l'Uffizi da construcziun bassa chantunal. La via saja averta mo per peduns. Tochen che la via è rumida daltut e puspè averta per autos, vegnia quai a cuzzar anc in mument. Il pli baud en il decurs dal suentermezdi èsi da quintar che la via saja puspè charrabla.

Chantun observa vinavant las spundas

Il chantun observa vinavant las spundas pervi da las temperaturas chaudas. Il privel da lavinas è tenor l'Institut da naiv e lavinas a Tavau il mument considerabel - cunzunt en il sid dal Grischun.

La lavina era vegnida a val gievgia avant gentar ed ha bloccà la via sin ina lungheza da radund 30 meters. Cunquai che la gronda part dils bun 30 abitants da Dreira eran a la lavur, èn mo paucas persunas stadas isoladas.

RR novitads 08:00+